pantun banjar

*🌺PANTUN HARI RAYA🌺*
(Khas Hagan Urang Banjar)
Buah samangka dibalah-balah
Hagan sanguan tulak ka kota
Bulan puasa parak dah talah
Insyaallah, Jumaat ni berayaan kita
🌱🎋🌱🎋🌱🎋🌱🎋🌱🎋
Pagi hari begarit pucung
Pucung bepatak dipadang tagah
Amun bahari kad raya dijulung
Taga demini wasap gin ok dah
🌱🌼🥀🌼🌱🌼🌱🌼🌱🌼
Hampalam anum jgn dikulum
Gigi ngingir, ilat gin ladar
Fitrah hudah bayar ka balum?
Jgn kalumpanan,lakasi bayar
🍀🥀🍀🥀🍀🥀🍀🥀🍀
Banyak urang manukar kustila
Ulun sarungan manukar manggis
Amun bebelanja beimat-imat la
Kaluko ai imbah raya taingoi nangis
🌺🎋🌺🎋🌺🎋🌺🎋🌺🎋
Haratnya diang jalan balenggang
Bebaju kebaya memakai kutung
Pakan yang sasak menjadi langang
Bejurut pang depa bulikan kampung
🍂🌿🍂🌿🍂🌿🍂🌿🍂🌿
Tulak balalah ka rumah Milah
Rumahnya jauh di Kuala Kubu
Yang hanyar kawin jgn kelahian lah
Becakang urat rumah siapa hulu
🍁🌾🍁🌾🍁🌾🍁🌾🍁🌾
Kulir begawi guring tabungkang
Tinjak kawitan tesandar di tawing
Sunduk lawang awan lalungkang
Jangan sawat disalungkar maling
🌻🍃🌻🍃🌻🍃🌻🍃🌻🍃
Guringkan anak duduk bapukung
Muntungnya sumpali sabigi puting
Jom berataan kita bulikan kampung
Mengilangi kawitan,itu yg penting
☘🌼☘🌼☘🌼☘🌼☘🌼
Najak peranggan dibandang angah
Talah menajak bacari sempilai
Amun di jalan jangan tapi beungah
Begamatan haja, janji sampai
🍁🌾🍁🌾🍁🌾🍁🌾🍁🌾🍁
Rame sungguh bedarau di bandang
Gigir bepandiran  mamakan rambai
Kawitan di kampung lawas banar mehadang
Anak menantu bulikan  beumbai
🥀🍃🥀🍃🥀🍃🥀🍃🥀🍃
Jangan diajar anak menyuntan
Larangan agama wajib dipatuhi
Dipagi raya ciumlah tgn kawitan
Minta maaf,lupakan sengketa bahari
🍀🌷🍀🌷🍀🌷🍀🌷🍀🌷
Lingirkan ulun ayak kupi
kupinya ada dlm salipang
Nang bebini tu ciumla tgn laki
Berelaam haja telabih takurang
🌷🌿🌷🌿🌷🌿🌷🌿🌷🌿
Amun kelambu banyak papijit
Randam haja dgn cuka
Imbah bemaafan tulakan masigit
Kita sembahyang sunat hari raya
🌸🍃🌸🍃🌸🍃🌸🍃🌸🍃
Teganang bahari di urang bearuhan
Meulah sarubung gigir bepandiran
Imbah sembahyang jom baraan
Kita berelaan sesama kulaan
🍀💐🍀💐🍀💐🍀💐🍀💐
Pembantu rumah ngaran amah
Katuju banar  nasi basanga
Lakasi kulaan datangan ka rumah
Lawang rumah hudah tenganga
💐🌾💐🌾💐🌾💐🌾💐🌾
Sakitnya batis tejajak paku
Paku behamburan di bawah titi
Nah,rasalah wadai ulahanku
Kada mainla wadai nukar² ni 😊
🍂🌴🍂🌴🍂🌴🍂🌴🍂🌴
Di Sg Manik banyak banjar alai
Tampat urang beharagu buhaya
Hari raya ni kekanakan paling arai
kambung pang pakit dgn duit raya
🌱🌻🌱🌻🌱🌻🌱🌻🌱🌻
Dari Jakarta tulak ka Surabaya
Hajat handak menukar rinjing
Cucu betakun,"tok! mana duit raya"?
Atuk bekijim peragahan guring 😂
🎋🍀🎋🍀🎋🍀🎋🍀🎋🍀
Meulah ayunan dihiga watun
Sambil melikit lampu pelita
Mayo aii luko ulun bepantun
Talabih takurang berelaan kita
🍂🌴🍂🌴🍂🌴🍂🌴🍂🌴
Pucuk babuas buah papari
Mkn awan gulai sembilang
Panjang umur murah rezeki
Tahun hadap tahagaan pulang

      *☘SALAM KULAAN☘*

Banjar Selawasan.